كل واحد بيحلم باليوم اللى يتخرج فيه علشان يشتغل ويحقق ذاته ويحس بالمسؤلية
وطبعا أحنا عارفين أن الشغل عندنا متوفر جدا ومفيش ولا بطالة ولا حاجة
طبعا أول صدمة بعد التخرج لما تلاقى أنك ماعندكش ثقافة بأى حاجة وأن الشغل اللى موجود لو كان فيه يعنى شغل مش محتاجك أنت ومحتاج تخصصات تانية ومحتاج معرفة بالتكنولوجيا اللى أصلا ما بنشوفهاش فى تعليمنا لأننا لسة بنتعلم كأننا فى العصر الحجرى دى أول صدمة
تعالى بقى معايا وأتعلم كل وسائل التكنولوجيا وأعرف لغات وغيرة تلاقى برضة فرصة الشغل مش موجودة أو معدومة أو موجودة بس بنسبة صغيرة
والغريب أننا كل يوم بنسمع تصاريح أنه فيه كام مليون شاب أتعين معرفش الناس اللى أتعينوا دول فين
وكمان الواسطة اللى مضيعة كل حاجة يعنى كمان مفيش شغل لا وكمان لما بيكون فيه بيكون بواسطة اللى له معرفة يشتغل واللى مالوش مايلزموش
وكمان فيه ناس بتتعين من تحت لتحت بمعنى أيه بمعنى أنه كتير بنلاقى مسابقات للتعينات والشباب تروح تقدم وتعمل كل اللى عليها ولكن فى الأخر محدش منهم بيشتغل ليه بقى لأن أصلا الوظايف دى محجوزة من زمان والمسابقة دى كانت ستار للوساطة علشان يقنعونا بقى أنه فيه شغل وحرية وكده يعنى
وطبعا كل ده بيوصل الشباب لليأس والأحباط وغيرة وغيرة
وطبعا كل ده بيوصل الشباب لليأس والأحباط وغيرة وغيرة
أنا بقى لو مكان وزير القوى العاملة أول حاجة هنسق مع وزير التربية والتعليم ونشوف سوق العمل محتاج أيه وأحنا بندرس أيه واللى بندرسة ده هاينفع فى شغلنا ولا لا ونحاول نوفق دراستنا مع الشغل اللى موجود ولا أيه
وكمان هطلع أوامر بتعيين كل الشباب ومش الشباب بس لا وكل الناس اللى ما بتشتغلش
وهحسن أحوال العمال علشان مش كل شوية يعملوا أعتصام
هلغى الشغل بنظام العقد لأن ده ذل كله هايبقى تعيين
هطلع أوامر كمان أن كل الناس اللى شغالة مرتبها يبدأ ب 500 جنية وما يكونش أقل من كده ويزيد كمان وكمان كل ما واحد يشتغل أكتر وأحسن ويكون مخلص فى شغلة ياخد علاوات وحوافز ومرتبة يزيد وهضيف ده على قانون العمل
وكمان هنزل بدل أنتقال كويس يعنى اللى يكون شغلة فى منطقة بعيدة عن بيتة لازم ياخد مقابل كويس مش يصرف مرتبة فى الأنتقالات
